स्थितीदर्शक भाववाचक नामाचा पर्याय निवडा. 

उत्तर - गरिबी हे स्थितीदर्शक भाववाचक नाम आहे.

भाववाचक नाम /धर्मवाचक नाम - प्राण्यांच्या किंवा वस्तूंच्या नामामध्ये असलेला धर्माचा, एखाद्या गुणांचा किंवा एखाद्या भावाचा बोध होत असेल तर त्यास भाववाचक / धर्मवाचक नाम असे म्हणतात. उदा. गोडी, आनंद, गुलामगिरी, कीर्ती, चांगुलपणा, धैर्य, हास्य  इत्यादी

भाववाचक नामाचे तीन गट पडतात.

• स्थितीदर्शक - गरीब - गरिबी, श्रीमंत - श्रीमंती
• गुणदर्शक - सुंदर - सौंदर्य, प्रामाणिक - प्रामाणिकपणा, शूर - शौर्य 
• कृतिदर्शक - चोर - चोरी, 

Important Pointsनाम - व्यक्तीच्या, स्थळांच्या, प्राण्यांच्या नावाला दिलेले जे नाव असते त्याला नाम असे म्हणतात. उदा. महेश, मुंबई, पर्वत इत्यादी

नामाचे एकूण तीन प्रकार पडतात.

1. सामान्यनाम
2. विशेषनाम
3. भाववाचक नाम

सामान्यनाम - एकाच जातीच्या समान गुणधर्मांमुळे दिल्या जाणाऱ्या नामास सामान्यनाम असे म्हणतात.  उदा. मुलगा, शहर, प्राणी इत्यादी

सामान्यनामाचे दोन प्रकार पडतात.

• पदार्थवाचक नाम - जे पदार्थ शक्यतो लिटर, मीटर किंवा किलो ग्रॅम मध्ये मोजले जातात किंवा संख्येत मोजले जात नाहीत त्या घटकांच्या नावाला पदार्थवाचक नामे म्हणतात. उदा. तांबे, कापड, मीठ, पाणी
• समूहवाचक नाम - समान गुणधर्म असणाऱ्या अनेक घटकांच्या एकत्रित समूहाला दिलेल्या नावाला समूहवाचक नाम म्हणतात. उदा. मोळी, जुडी, ढिगारा

विशेषनाम - विशिष्ट प्राणी, शहर, देश,व्यक्ती,  स्थळ, पर्वत, पक्षी, नदी किंवा वस्तू यांमधून एखाद्या विशिष्ट नामाचा बोध होत असेल तर त्यास विशेषनाम असे म्हणतात.  

उदा. नागपूर, जपान, भरत, हिमालय, पोपट, गोदावरी, इत्यादी