वधू या शब्दाचे अनेकवचनी रूप लिहा.

वचन- जेव्हा आपल्याला नामाच्या रूपावर ती वस्तू किंवा प्राणी एक आहे की अनेक आहे याचा बोध होतो त्यास वचन असे म्हणतात.

वचन बदलताना काही नामांचे रूप बदलते, तर काहींचे तेच राहते. वरील प्रश्नात वधू या शब्दाचे अनेकवचनी रूप वधू असेच होईल. ते विधवा, वधुरी किंवा वधवा होणार नाही.

Key Points‘ऊ’ कारांन्त स्त्रीलिंगी नामाचे अनेकवचन ‘वा’ कारांन्त होते.

उदा. सासू – सासवा, पिसू – पिसवा, जळू - जळवा

पण काही ‘ऊ’ कारांन्त स्त्रीलिंगी नामाचे एकवचन व अनेकवचन सारखेच राहते.

उदा. वस्तू – वस्तू, बाजू – बाजू, वधू – वधू

 Additional Informationमराठी व्याकरणात वचनाचे दोन प्रकार पडतात.

1. एकवचन

2. अनेकवचन

जेव्हा एखाद्या नामावरून ती वस्तू एकच आहे असे समजते तेव्हा त्या नामाचे एकवचन आहे असे म्हणतात.

उदा.  पंखा, दोरा, डोळा, ससा, रस्ता. 

जेव्हा एखाद्या नामावरून त्या वस्तू खूप आहेत असे समजते तेव्हा त्या नामाचे अनेकवचन आहे असे म्हणतात.

उदा. फुले, बातम्या, पुस्तके, घोडे.